أكسيس كنترول

تحكّم كامل في من يدخل ومن يخرج

تقدّم فالكون للأنظمة الأمنية أنظمة أكسيس كنترول التي تمنح منشأتك تحكمًا دقيقًا في الوصول للأبواب والبوابات والمناطق الحساسة. لا يمرّ إلا المصرّح له، مع سجل كامل لكل حركة دخول وخروج.

تقنيات التحقق المتاحة

• بصمة الإصبع — أمان فردي لا يمكن تقليده.
• الكارت والتاج (RFID) — سرعة عالية للمنشآت كثيفة الحركة.
• بصمة الوجه — تحقّق بدون لمس.
• الرقم السري والأنظمة المدمجة.

مثالي لـ

الشركات والمصانع والبنوك والعيادات والكومباوندات وغرف السيرفر. يتكامل نظامنا مع كاميرات المراقبة وأجهزة الحضور والانصراف لإدارة موحّدة.

الأجهزة المتوفرة عندنا والفرق بينها

فالكون بتوفّر أجهزة أكسيس كنترول من ماركات معتمدة زي ZKTeco بموديلات مختلفة في السعة وطريقة التحقق. الفرق العملي بين الموديلات بيتلخص في أربع نقاط تسأل عنها قبل الشراء: عدد البصمات أو الكروت اللي بيستوعبها، سرعة القراءة، هل بيدعم الشبكة ولا تصدير على فلاشة، وهل بيشتغل حضور وانصراف في نفس الوقت.

باقات جاهزة حسب عدد الأبواب

• باب واحد (مكتب أو عيادة): جهاز مستقل ببصمة وكارت + كالون مغناطيسي 280 رطل + باور سبلاي ببطارية + زر خروج + كسّارة طوارئ.
• باب معدني أو بوابة: نفس الجهاز + دروب بولت بدل المغناطيسي، لأن الباب التقيل بيحتاج تثبيت أقوى.
• عدة أبواب في منشأة: كنترولر مركزي + قارئات على كل باب + برنامج إدارة يديك تقرير واحد للمبنى كله ويسمح بإلغاء صلاحية موظف من كل الأبواب مرة واحدة.
• غرفة سيرفر أو خزنة: قارئ + كالون Fail-Secure يفضل مقفول وقت انقطاع الكهرباء، وده عكس أبواب الطوارئ تمامًا.

الكالون هو نص المشروع

الجهاز بيقرأ، لكن اللي ماسك الباب فعليًا هو الكالون. الكالون المغناطيسي بقوة 280 أو 600 رطل مناسب للأبواب الزجاجية والخشبية، والدروب بولت للأبواب المعدنية والبوابات. والأهم من النوع هو سلوكه عند انقطاع التيار: على مخارج الطوارئ لازم يكون Fail-Safe يفتح تلقائيًا، وعلى المخازن والخزائن Fail-Secure يفضل مقفول.

مع كل تركيبة من فالكون

باور سبلاي ببطارية (مش اختياري عندنا)، زر خروج من الداخل، كسّارة زجاج طوارئ تقطع الكهرباء عن الكالون مباشرة، وكابل بمقطع مناسب للكالون. هبوط الجهد على كابل رفيع بيخلي الكالون يفتح بضعف مع الوقت، وده عطل بيتفسّر غلط على إنه عطل في الجهاز.

الربط مع باقي الأنظمة

نفس الجهاز غالبًا بيشتغل حضور وانصراف، وبنربطه بكاميرات المراقبة بحيث كل فتح باب يتسجّل مع صورة صاحبه — ده بيحوّل التقرير من سطر في جدول لدليل مرئي. وفي المنشآت الكبيرة بنربطه بإنذار الحريق عشان كل الأبواب تفتح تلقائيًا وقت الإنذار.

خبرة فالكون منذ 2004

نفّذت فالكون أنظمة تحكم في الدخول لقطاعات حكومية وبنوك ومستشفيات وسفارات ومصانع، وده بيدّي فرق عملي: إحنا شفنا الأعطال اللي بتظهر بعد سنتين مش بعد أسبوع، وبنختار المكونات على أساس ده.

تواصل مع فالكون على 01019942457 لمعاينة وعرض سعر.